so kapembilawataw na nan den ba e punsuwan no kapatindeg kano kamagingedi, so agama islam na inggan nin sa kawagib so langon o edsinakatawan kano pamiliya iaganat kano ama,ina,endo manga wata taman kano manga pagali sa mapiya e kinambadbadin kano manga kawagib o uman e isa.

     dili kapakay a maaden kano pamiliya e kandedengkiya endo kadsisingita endo kadtitipuwa endo dili kapamagayon. so pamiliya a mapiya na mamagadata endo egkakalimuwa endo mamagayon endo edtatabanga siya kano kagkapiya no pamiliya nilan. so katana endo so kalilintad o mambebetad na mailay siya kano pamiliya a mamagayon e manga taw nin.

    so kaumbal sa pamiliya a mapiya na niya nin udsadan na so kanggulalan kano manga suguwan no Allahu Taala endo so suguwan no nabi Muhammad Sallahu Alayhi Wa Sallam.

   So kapatindeg kano pamilya a mabagel na pagebpon siya kano kanggulalan no uman e isa kano nakasalig salkanin endo so kabpipiya kano katarbiya (katiyakap) kano manga wata...